तिरंगी वड्या

साहित्य - रवा व बेसन व खोबऱ्याचा किस समप्रमाणात साखर-रवा व बेसनाला सम प्रमाण व खोबऱ्याच्या किसाला १ वाटी पाऊण वाटी साखर याप्रमाणे रंग पिवळा व हिरवा, वेलची पूड, तूप
कृती -
प्रथम बेसन व रवा तुपात वेगवेगळा भाजावा. ऒल्या नारळाचा किस असल्यास तोही चांगला परतावा. नंतर या तीनही साहित्याचा अंदाज घेऊन प्रमाणाने साखर घेऊन त्याचा पाक करावा. तो पाक तीन वेगवेगळ्या भांड्यात करावा. रव्याच्या पाकात हिरवा व बेसनाच्या पाकात पिवळा व किसाचा पाक तसाच ठेवावा. पाक घट्ट करून एकात रवा, दुसऱ्यात वेसन व पांढऱ्या पाकात नारळाचा किस टाकावा. नंतर खालीवर रवा व बेसन व नारळाचा पांढरा किस मध्ये येईल अशा तऱ्हेने त्याचे एकावर एक थर द्यावेत. मग वड्या पाडाव्यात.